Minggu, 25 Maret 2012

Tuan Juara Bulan:
ANGKA UMPASA NA SOMAL, sian :
J   Hasuhuton
1.     Sungkunon parbuhiton do hamu di hadatuon
Sungkunon boni di hamoraon
Sungkunon uhum do hamu di harajaon
Sungkunon adat na masa di parsahutaon.
2.     Tinallik landorung, bontar gotana
Sisada hasuhuton do hita namardongan sahuta, atik pe asing-asing margana.
3.     Martampuk bulung, marbona sangkalan
   Marnata suhut, marnampuna ugasan.

J    Tulang
1.     Manginsir sindohar, di uma si pitulili,
     Tu deakna ma pinompar, jala sitorop pangisi
2.     Dolok ni purbatua, tondonghonni siborotan,
         sahat saurmatua, tamba pansamotan
3.     Hau simartolu di tombak ni panamparan,
   leleng mangolu dihaliangi pomparan.
4.     Eme na marbiur, di lumban hariara.
         Pomparan torop maribur, matangkang majuara.
5.     Tabo-tabo ni lombu, tabo ginambiran
   Sai gabe ma hamu boru, asa adong panailian.
J   Tulang ni Hela
    Sinalong ranti, dua balunbalunan
    Tanda hata saut, mardalan tintin parangkupan
J   Hula-hula
    1.   Habang simarsimbulan, tangki ma i jala ualang, rabion si barebe
Asi roha ni Tuhan, tubu ma anak partahi jala ulubalang, dohot boru namora pareme.
    2.   Tangki jala ualang, galinggang jala garege
         Tubu anak na bisuk, partahi, jala ulubalang
         Dohot boru namora jala pareme.
    3.   Si dangka ni arirang, Na so tupa sirang
Saleleng hosa digomgom badan.
    4.   Nitaba tandiang, nitantan jabijabi.
                  Ingot martangiang, tumpahon ni Mulajadi.
4.     Sinuan hunik, jonok ni pinasa
     Tubu anak na uli, martinodohon na uli basa
5.     Bintang na rumiris, ombun nasumorop
     Anak pe riris, boru pe torop.
6.     Dangka ni hariara, tanggo pingaitaithon
     Tubu anak manang tubu boru sitongka ma panahitnahiton.
7.     Tubuan lata, tubu singkoru, di dolok ni Purbatua
         Tubuan anak tubuan boru, donganmu saurmatua
    9.   Giring-giring, gosta-gosta
         Hatop mangiring-iring, hatop mangompaompa.
    10. Tubu ma hariara di holang-holang ni huta
         Tubu anak dohot boru, na mora jala na martua
J   Bona Tulang
Prinsipna sarupa do umpasa na boi dohonon ni Tulang, Bona Tulang, Tulang Rorobot, nang Bona ni ari, manang angka horong ni hula-hula pe. Mangida parhundulna ma disesuaikan ma umpasana.

J   Namarhaha-maranggi
1.     Binuat hoda sabara, pelean ni solobean
      Boi do anggi pinaraja,di tingkina mangalean.
2.     Antajau haludi tu pining na mongkol mata,
     Sahalak pe mandok na uli, luhut ma nampunasa.
3.     Na marpusuk di lonteng do
Na mardangka ni rintua
Na marhahamaranggi do
Na mardongan sabutuha
4.     Sada tumoktok hite, sude marhitehonsa
Sada pature une, sude paunehonsa
5.     Tiniop ma batahi, batahi pangolai
Sauduran jala satahi ma na marhahamaranggi.
6.   Aek godang tu aek laut,
     Dos ni roha sibahen na saut
7.   Balintang ma pagabe, Tumandangkon sitadoan
     Arinta saut horas jala gabe, Molo marsipaolo-oloan
8.   Niarit bulu bahen bubu, Nipiu aloalo bahen tali
     Manat mardongan tubu, Sada ma binahen tahi
J   Pariban ni Suhut
1.     Hodong do pahu, holiholi sangkalia.
Ho do ahu, i do na marpariban ina.
2.     Tanggo hirang-hirang, tabo na marpariban.

J   Pariban ni Boru Muli

J  Pamoruon

J   Dongan Sahuta
    1.   Tarida urat tambortamboran,
Masuak dangka rahut-rahutan
Na mardongan sahuta marsiurupuruan
    2.   Tinallik randorung, bontar gotana
Si sada anak si sada boru, nang asing-asing margana.
    3.   Sungkun do mulani hata
Topot do mula ni uhum
    4.   Tampakna do rantosna, rim ni tahi do gogona.
    5.   Timbo tiang ni ruma, untimbo tiangni sopo
   Horas ma natuatua, humorasan ma na umposo
J   Raja Na Ro
1.      Sori mandapot, sori manungkun
   Adat na nidapot, ingkon sinungkun
2.      Ompu raja i jolo, martungkothon salagundi
Pinungka ni parjolo siihuthonon ni par pudi.
3.      Marbunga tampua, sajongkal dua jari
Sude luat do muba, mimbar do nang ugari.

Diposting oleh di Tidak ada komentar:

MATE, jenis ni hamatean


MATE
Napuran tano-tano
Mangaliliti bona ni pinasa
Pamatang gabe tano
Hosa mulak tu nampunasa
1.     Mate Poso (mate hape ndang do pe kawin).
2.     Mate Punu (mate ama hape ndang adong do pe anakhonnasida baoa, ndang adong penyambung generasi. Najolo tung adong pe ianakhonna alai anggo holan boru do, tong do punu goarni i).
3.     Mate di paralangalangan (Mate ama hape inantai nunga gabe-gabean.
4.     Mate Sumalin ( mate na gabegabean / mate hamil. Di habatakon, roa do parmate na songon i.
5.     Mate Olas, sarupa do tu Mate Sumalin alai tutu dohot do mate dakdanak na di bortian i.
6.     Tipul Ulu (mate ama, tinggal maetek /menek-menek do pe ianakonna, ndang adong do pe namansari).
7.     Tompas Tataring (mate ina tinggal maetek /menek-menek do pe ianakonna, ndang adong do pe namansari).
8.     Mate Mankar/Mangkar (maranak marboru do alai tung sada ndang adong do pe na sohot, manang na patut karejo, alai na so maranak marboru pe didok deba do na mate mangkar).
9.     Sarimatua (Nunga adong anak manang boru naung marrumahtangga, mungkin nunga marpahompu, marnini-marnono, alai adong do pe anak manang boruna na so marrumahtangga do pe)
10.    Saurmatua (sude anak dohot boru nunga marrumahtangga, jala nunga marpahompu sian anak dohot sian boru i nata pe so matua do pe idaon sian umur).
11.  Saurmaulibulung (sude anak dohot boru nunga marrumahtangga, nunga marpahompu sian anak dohot sian boru, pinomat nanggo sada ingkon adong do nini manang nonona, jala ndang adong pomparanna na parjolo mate).
12.  Mate Gaol (songon saurmatua, marnini-marnono, boi do marondokondok, alai ndang saurmauli-bulung)
13.  Mate Heaton (sude sisolhot manadingkon, huta pe ndang ro) hape mungkin nunga sari matua manang di ginjang ni i do pe.  Marsiala ma i ala mungkin na jahat do na mate i manang keluargana, mungkin ala ndang hea tarida di ulaon, manang alani penyakit menular.
14.  Mate Gasing (ndang adong sisolhotna, ndang adong namangurus parmatena).
DUNG MATE
1.    Dung mulak sian udean
Bila sarimatua s/d mate gaol yang meninggal, setelah kembali dari kuburan maka tulang, hula-hula, dan dongan sahuta diundang ke rumah (dipanangkok). Semua pihak diberikan uang, sbb. :
1.1.     Bila si bapak (laki-laki) yang meninggal, maka status tertinggi adalah tulang dari almarhum. Tulang menerima piso-piso dari cucunya (keturunan berenya). sementara hula-hula hanya menerima daon sihol (parsiholan), dan natua-tua ni huta menerima panggohi.
1.2.     Bila ibu (wanita) yang meninggal maka hula-hula ‘mangungkap hombung’ (meminta bagian dari kekayaan almarhum), semenara itu tulang menerima parsiholan dan natua-tua ni huta menerima panggohi.
1.3.     Hula-hula atau tulang memberikan ikan, sementara hasuhuton menyediakan makanan na margoar.
2.    Mangapuli, Manosoi, Marsipaetpaet, manang Marhata Togartogar.
Landit porhot gota ni simargalagala
                 Hansit ngotngot, naung adong gabe soada.
3.    Manuan ompu-ompu.
4.    Pauli Tambak
5.    Mangongkal Holi
6.    Panangkok Saring-saring
7.    Mambahen Tugu
Diposting oleh di Tidak ada komentar:

Mars Simbolon Tuan Juara Bulan


Diposting oleh di Tidak ada komentar:
Langganan: Postingan (Atom)